Тајната е во маринадата
СОСТОЈКИ:
- 1 кг пилешки батаци
- 4 глави кромид
- сок од лимон од 3 лимони
- 3 чешниња лук
- 50 мл крем за готвење
- 2 лажици масло
- 10 гр магдонос
- 3 лажички сенф
- ½ лажичка сол
- ½ лажичка пиперка
- 50 мл пилешка супа
Подготовка:
Исечете го кромидот (не многу тенко) и префрлете го во сад, па прелијте го со крем за готвење, масло, сок од лимон, лук, сенф, бибер, сол и сечкан магдонос.
Сè убаво измешајте и прелијте ги пилешките батаци. Промешајте за да се залепи смесата за батаците. Покријте го садот со капак или со фолија и оставете го пилешкото да се маринира најмалку еден час.
Извадете ги батаците од маринадата и ставете ги во длабока тава во која претходно сте го загреале маслото и оставете ги да се пржат неколку минути. Не заборавајте да ги превртите.
Потоа додадете ја маринадата и измешајте. На крај додадете ја пилешката супа, поклопете и оставете да се крчка на тивок оган 30 до 45 минути.
Кога садот е готов, посипете го со сечкан свеж магдонос и послужете со прилог по ваш избор. Тоа може да биде ориз, њоки, крокети, компири…