Спрејот за коса е ефикасно средство за нејзино негување.
Спрејот за коса е ефикасно средство за нејзино негување. Тој ја штити косата од термичките влијание, ја подобрува нејзината структура, ја потхранува и го забрзува нејзиниот раст. Но, бидејќи не секогаш дамите се задоволни со купените спрејови, денес ви прикажуваме еден домашен рецепт во чија ефикасност не треба да се сомневате. За подготовка на овој спреј потребни ви се следиве состојки:
– 2 чаши (од 200 мл) дестилирана вода
– 8 супени лажици сок од лимон
– 2 супени лажици алкохол 52%
– етерично масло и рузмарин
Начин на подготовка:
Подгответе соодветен сад, а потоа додајте го исцедениот сок од лимон. На тоа додајте ги дестилираната вода и алкохолот, па добро промешајте. Во овој раствор додајте неколку капки етерично масло или рузмарин, кој поседува лековити својства, обезбедува раст на косата и ја подобрува структурата на косата. Чувајте го спрејот во фрижидер околу 24 часа, а по тој временски период ќе биде подготвен за употреба.