И покрај напорниот распоред, членовите на италијанската рок група Манескин имаа време да „скокнат“ до редакцијата на „модната библија“.
Една година откако членовите на италијанската глам рок група Манескин победија на Евровизија со песната „Zitti e Buoni“, нивната популарност не опаѓа.
Бендот продолжува да настапува низ светот, а одвреме-навреме „скока“ во Америка каде неодамна одржа голема турнеја. На еден од нивните концерти, претставниците на медиумите ја забележаа и актерката Анџелина Џоли, која танцуваше со својата ќерка Шајло и гледаше на сцената како заљубена тинејџерка, а очигледно не е единствената која е воодушевена од членовите на овој бенд.
Имено, уредничката на магазинот „Вог“, Ана Винтур неодамна се фотографираше со Дамиано Давид, Викторија де Анџелис, Итан Торчио и Томас Раџи. Официјалната страница на магазинот на Инстаграм го сподели овој портрет со веста дека Манескин е номиниран за „MTV VMA“ за најдобри нови изведувачи и алтернативна музика.
Како што велат во описот на фотографијата, членовите на бендот имаат многу работа, „но секогаш има време да се застане во просториите на магазинот „Вог“.
– Можеби да го повежбаат нивниот супермоделски од? – пишува во хумористична објава на Инстаграм.
Сите членови на групата, како и обично, беа совршено стилизирани, а се истакнаа Томас Раџи и фронтменот Дамиано Дејвид, кои избраа малку светкави панталони и откопчани кошули. Сепак, главна ѕвезда повторно е Дамиано, кој се одлучи за црвено-бела кошула со розови детали и длабоки и ефективни црвени панталони кои лесно можеме да ги замислиме на, да речеме, Ирина Шајк или Бела Хадид.