Веројатно никому не му треба студија за да им каже дека не спијат добро во делот од годината кога температурите се многу високи, но неодамнешен извештај покажа дека луѓето би можеле да изгубат до две недели сон годишно до крајот на векот, токму поради порастот на температурите.
„Ниската собна температура за време на спиењето е еден од најважните предуслови за квалитетен одмор“, изјави за FOX Weather д-р Џенет Нешејват, медицинска соработничка во FOX News.
Како климатските промени влијаат на квалитетот на сонот?
Нешејват вели дека има три работи кои влијаат на нашиот деноноќен ритам. „Тие три работи се светлина, физичка активност и собна температура. Таа игра главна улога во нашите модели на спиење “, рече таа.
Студијата на Келтон Минор од Универзитетот во Копенхаген ги следела навиките за спиење на 47.000 луѓе во 68 земји од 2015 до 2017 година.
Минор статистички успеа да заклучи дека потоплите температури од почетокот на милениумот веќе претставуваат 11 ноќи на скратен сон, што доведува до подоцнежно лежење и порано будење. Значи, тоа е 44 часа или 6 непроспиени ноќи. Студијата предвидува дека до 2050 година ќе спиеме 12 ноќи помалку, а до 2099 година дури 15 ноќи помалку годишно.
Користејќи податоци од 21 климатски модел, научниците укажаа на дополнително губење на дополнителни 58 часа сон поради топлината, доколку растот на атмосферските стакленички гасови продолжи со сегашната стапка. Ако светот ги стабилизира концентрациите на стакленички гасови, во просек ќе изгубиме само 50 часа сон годишно.
„Спиењето е важен за многу функции во телото, од нашиот имунолошки систем до здравјето на срцето, метаболизмот, мозокот, но и менталното здравје“, вели Мајкл Грандер, директор на Истражувачката програма за спиење и здравје на Универзитетот во Аризона.
„Во текот на ноќта, температурата на вашето тело паѓа и ви помага подобро да спиете, подобро да се одморите и да се опоравите. Но, кога е многу топло, тоа ги отежнува работите“, рече Грандер.
Резултатите покажале скратување на сонот во сите годишни времиња, со најголеми загуби во областите кои се карактеризираат со поголема разлика помеѓу зимските и летните температури. Истражувачите исто така веруваат дека луѓето нема да се навикнат на топлината со текот на времето, според собраните податоци.
Студијата покажала дека по 60-тата година, луѓето развиваат зголемена чувствителност на топлина за време на спиењето, а оваа чувствителност продолжува да расте и по 70-тата година.