Ништо не е поубаво од беспрекорно чистите садови за храна, во кои е задоволство да се подготвуваат јадења и од кои е уште поголемо задоволство да се послужуваат вкусни јадења.
Меѓутоа, често се случува тенџерињата и тавите да изгорат и да изгледаат како повеќе да им е место во контејнер отколку во кујната. За среќа, постои решение за тоа – и всушност е многу едноставно!
Трик со сода бикарбона
Посипете ги затемнетите делови од сода бикарбона и не штедете. По пет минути истурете топла вода, па оставете да се излади.
Потоа измијте со детергент за миење садови и топла вода, на вообичаен начин.
Трик со средство за чистење на рерната
На загорените површини на тенџерето или тавата истурете го средството за чистење на рерната и оставете го да делува 10 минути. Потоа убаво измијте ги на вообичаениот начин.
Трик со оцет и сода бикарбона
Во изгорениот сад истурете мешавина од вода и алкохолен оцет во сооднос 1:1. Ставете на тивок оган и вриејте најмалку 2-3 минути. Потоа тргнете од оган, додадете три лажици сода бикарбона и имајте на ум дека оваа смеса ВЕДНАШ ќе се запени, па не треба да сипате премногу течност. Оставете да се изладат, а потоа измијте ги садовите на вообичаен начин, со детергент за миење садови и топла вода.