Психологот Гери Чепмен пред многу години го претстави во јавноста концептот на пет љубовни јазици, со кои сакаше да покаже како луѓето ја покажуваат и доживуваат љубовта. Според неговата теорија, јазикот на љубовта е начинот на кој најчесто ја изразуваме нашата наклонетост кон другите.
Ова се 5-те љубовни јазици воспоставени од овој психолог:
– Афирмативен јазик (сакате да слушнете од луѓето дека ве сакаат и ценат)
– Наклонетост (се чувствувате сакано кога вашиот партнер прави нешто за да ви го олесни денот; готви ручек, чисти, ги зема децата од градинка…)
– Посветеност (многу ви значи тоа што вие и вашиот партнер поминувате квалитетно време заедно)
– Дарување (сакате да добивате подароци од вашиот партнер. Не станува збор за големи, скапи подароци, туку за мали нешта кои покажуваат дека вашиот партнер мисли на вас)
– Допир (чувствувате љубов кога партнерот ве прегрнува, бакнува, гали…)
Кој од наведените јазици во љубовта го користите најмногу?
Еден од нив може да укаже на зголемен ризик од развод. Експертот за врски Рори Сасун истакна дека луѓето кои ја доживуваат врската исклучиво со цел да добијат подароци, најчесто се разведуваат.
„Луѓето чиј главен јазик е примањето подароци, најтешко се поврзуваат со други љубовни јазици. Затоа, ако нивниот партнер зборува друг јазик, ќе им биде тешко да го разберат и да го земат предвид, што може да доведе до многу расправии, бидејќи партнерот нема да се чувствува удобно во врската со саканата личност“ – изјави експертот за врски.
Важно е да најдеме заеднички јазик на љубовта со партнерот. Можеме да користиме повеќе од нив, но неопходно е партнерите да се разберат, односно да ги користат. На пример, ако вашиот партнер зборува на јазикот на допир и ви покажува љубов преку прегратки и бакнежи, вие возвраќате подеднакво – тогаш се наоѓа заеднички јазик на љубовта.
“Без разлика каков е вашиот љубовен јазик, важно е да бидете свесни за тоа и да разговарате за тоа со вашиот партнер. Само така ќе можете да ја покажете вашата љубов на начини кои функционираат за двајцата.”