Раскинувањето е најдоброто решение
Секоја љубовна врска подразбира компромиси, но има граници кои не смеат да се преминат.
Кога сте влегле во врска со партнерот, веројатно сте биле свесни за многу работи за него.
Со влегувањето во врската сте се согласиле со нив, а истото важи и за него. Има работи кои едноставно се бескомпромисни, а ако партнерот ве принудува да се откажете од нив, би било добра идеја да ја преиспитате целата своја врска.
- Вашите лични цели
Различните цели се сосема природна работа и може да се однесуваат на сосема различни работи, од воспитување деца до идејата за заеднички патувања. Сепак, вашите лични цели не влегуваат во опсегот на влијанието на вашиот партнер. Накратко, вашиот партнер не смее да се обидува да ги промени вашите цели кои се однесуваат на кариерата, образованието или успехот.
- Вашиот карактер
Со текот на времето вие и вашиот партнер подобро се запознавате и стекнувате увид во некои квалитети кои претходно не се манифестирале бидејќи немало можност. Сосема е во ред ако вашиот партнер сака да раскине бидејќи нешто не му се допаѓа кај вас. Меѓутоа, проблематично е ако се обидува да ве промени. Треба да останете свои по секоја цена!
- Вашите пријатели и семејството
Ако вашиот партнер се обиде да ве одвои од вашите блиски луѓе, треба да бидете загрижени. Имајте на ум дека е сосема во ред тој да ја изрази својата загриженост ако мисли дека некој од луѓето што ги познавате лошо влијае на вас, но тој нема право да ве условува или спречува да се гледате со некого. Обидот да го ограничи кругот на луѓе во кои живеете често е еден од знаците дека имате работа со манипулатор.