На почетокот се е убаво, но со текот на времето бракот станува предизвик кој ќе опстане само ако навистина се сакате, почитувате и разбирате
Почетокот на секој брак е сладок. Сопружниците се фокусирани еден на друг, градат кариери, патуваат и си даваат безусловна љубов еден на друг.
Меѓутоа, со текот на времето, животот станува нешто покомплексен, семејството се проширува, се случуваат ментални падови, проблеми на работа, болести и смрт на најблиските…
Тогаш секоја врска како и бракот доаѓа на тест, бидејќи во тешки времиња се покажува колку сопружниците навистина се разбираат и сакаат, се почитуваат и поддржуваат, пренесува „Yourtango“.
Еве три начини да го одржите бракот стабилен по стресни и предизвикувачки животни настани:
- Сопружниците стануваат еден тим
Различни студии покажаа дека сопружниците кои прават работи заедно, кои се однесуваат како едно, се посреќни од оние кои не го прават тоа.
Тимската поделба на одговорностите ги остава двајцата партнери задоволни без разлика кој што направил.
- Добра комуникација во се
Комуникацијата не значи дека треба постојано да зборувате. Колку што е важно да зборувате за вашите секојдневни обврски, исто толку е важно да зборувате и за вашите соништа, надежи и стравови.
- „Хранете ја“ својата љубов со ситници
Никогаш не заборавајте ги оние мали знаци на внимание што си ги посветувавте еден на друг на почетокот на врската. Донесете цвеќе без посебна причина, останете во прегратка уште малку наутро, дајте си комплименти или однесете и шолја кафе на саканата личност. Ова се други начини да му кажете на партнерот дека го сакате.