Бенедикт Камбербач е британски филмски, телевизиски и театарски актер, кој покрај длабокиот глас, го краси и неверојатна способност за актерска трансформација, а тоа го докажа и со улоги во сосема различни остварувања.
Најновиот филм на планетарно популарниот Британец „Doctor Strange in the Multiverse of Madness“ доаѓа во кината на 4 мај, носејќи ја со себе помрачната, посериозната и напната страна на филмскиот универзум на Марвел. Претходните денови дел од филмската екипа предводена од режисерите Сем Раими и Бенедикт Камбербач заедно со Елизабет Олсен и Бенедикт Вонг имаa турнеја во Берлин и Велика Британија за да ја најавat премиерата на филмот следната недела.
Најпознатите улоги на Бенедикт Камбербач се од следните достигнувања:
„Sherlock“
Детективот од улицата Бејкер 221б, кој решава злосторства со дедукција и се бори против вечниот непријател – Мориарти, со помош на докторот Вотсон, Шерлок Холмс, кого го модернизираше Бенедикт Камбербач, им понуди детективски хумор и вештини на новите генерации.
„The Fifth Estate“
Филм од 2013 година во кој Камбербач глуми човек чиј живот сè уште е исполнет со новинарски колумни – Џулиен Асанж, сопственик на Викиликс. Напнатиот трилер ја прикажува неговата борба против американската влада, која не е завршена и денес.
„The Imitation Game“
Во ноември 2014 година, премиерно беше прикажан филмот „Игра на кодови“, во кој Бенедикт ја игра улогата на математичарот и криптограф Алан Тјуринг. Туринг му донесе номинација за Златен глобус, БАФТА и САГ награди и Оскар во категоријата „Најдобар актер“.
„The Power of the Dog“
„Моќта на кучето“, со Камбербач и Кирстен Данст во главните улоги, освои повеќе филмски награди на овогодинешниот фестивал БАФТА, меѓу кои и за најдобар филм. Камбербач на брилијантен начин го донесе трагичниот лик на робусниот Фил, а многу критичари предвидуваа дека тоа ќе биде неговата улога на кариерата.
„Doctor Strange“
Во ноември 2016 година, тој ја воодушеви публиката како Доктор Стрејнџ во филмската адаптација на истоимениот стрип на Марвел. Тој ја продолжи соработката со Марвел во следните две години, појавувајќи се во улогата на Стрејнџ во третото продолжение на приказната за нордискиот бог на громот, која беше објавено во 2017 година под наслов „Thor: Ragnarok“. Тој беше еден од одмаздниците во филмовите „Avengers: Infinity War“, како и „Avengers: Endgame“, додека се појави и во филмот „Spider-Man: No Way Home“.
Вториот независен филм за неврохирургот Стивен Стрејнџ, кој ја има моќта на астрална проекција и левитација – „Doctor Strange: Multiverse of Madness“, ќе можете да го гледате од 5 мај во кината кај нас.