Откако во Јапонија беше објавена книга за диетата со банана, започна вистински бум на бананите! Оваа книга ја опишува вистинската приказна за јапонецот Хитоши Ватанабе, кој со оваа диета изгубил 18 килограми за само неколку месеци.
Зошто оваа диета стана толку популарна? Ватанабе тврди дека за губење на вишокот килограми потребно е само вообичаениот појадок да се замени со банани и млака вода.
Хитоши Ватанабе вели дека комбинацијата на банани со вода на собна температура доведува до забрзување на метаболизмот, па човек кој ја следи оваа диета може да јаде што сака за ручек и вечера, но сепак ќе ги изгуби вишокот килограми.
Исто така, незрелите банани содржат отпорен скроб, поради што се чувствуваме сити. Како резултат на тоа, процесот на согорување на мастите е уште поинтензивен, 30% побрз, отколку со користење на традиционални методи. А водата на собна температура го подобрува варењето и го намалува чувството на глад.
Правилата на утринската диета со банана:
Појадокот се состои само од банани и вода.
Можете да јадете една голема или 2 банани со средна големина.
Важен момент: бананите мора да бидат свежи и не целосно зрели, а водата на собна температура.
Ручек и вечера: сите други оброци се нормални.
Сепак, се препорачува да следите неколку едноставни правила, кои ќе ви помогнат да ги изгубите вишокот килограми за време на оваа диета:
– Никогаш не јадете додека не се наситите. Најдобро е да станете од масата со чувство дека околу една петтина од вашиот стомак е сè уште слободен.
– Вечерајте најдоцна до 20 часот, оптимално време – 18 часот. Ако чувствувате глад по раната вечера, изедете овошје или мусли со јогурт.
– За време на ручек и вечера, исклучете ги десертите од вашето мени. Ако сакате да јадете нешто слатко, јадете овошје.
– Пијте многу вода и други течности. Најдобро е да се пие вода на собна температура во мали голтки. Не пијте 30 минути по оброкот.
– Помеѓу оброците, можете да пиете чај, кафе, сок. Од време на време е дозволен и алкохол.
Плус на оваа диета: физичката активност е опционална.
Минус на диетата: некои луѓе не реагираат добро на чисти јаглехидрати (особено оние со хипогликемија). Пред да започнете каква било диета, консултирајте се со вашиот лекар или нутриционист.