Машките парчиња облека кои мажите ретко ги носат на жените им изгледаат одлично. Оверсајз блејзери, панталони со висок струк, тесни кошули со француски манжетни – и секако, елеци.
Елекот е парче кое мажите го избегнуваат, а на жените им изгледа сензуално, со вистинска мерка на андрогена софистицираност.
Во исто време одговарајќи на се почестата тема за безродовата мода и трендови кои ги слават облините без пренагласување.
Елекот нуди доволно провокација за да бидете забележани во секоја прилика и доволно индивидуалност за да ве натера да не се грижите што мисли некој за тоа што го носите.
Можете да го носите со широки панталони, но подеднакво ефективно ќе изгледа и на таканаречените „mom jeans“ или дури и преку друг фустан.