Американската ФДА побара од компаниите да развијат вакцини кои ги таргетираат подваријантите BA.4 и BA.5
Pfizer и Bayontech започнаа со фаза 2 тестирање на модифицирана вакцина против новиот коронавирус, која ги таргетира и оригиналната варијанта и подваријантата BA.2 омикрон.
Вакцината е во првична студија за докажување за да се соберат повеќе податоци.
Се проценува дека комбинираните подваријанти BA.4 и BA.5 сочинуваат речиси 95 проценти од подваријантите во оптек во Соединетите Држави во третата календарска недела од јули.
Американската администрација за храна и лекови (ФДА) претходно овој месец побара од компаниите да направат вакцини насочени кон подваријантите BA.4 и BA.5, кои во моментов се доминантни, за можна засилувачка доза наесен.
„Во извесна смисла, ние го бркаме вирусот, исто како вирусот на грип, колку што можеме да се приближиме до варијантите кои се доминантни“, вели д-р Вилијам Шафнер, експерт за заразни болести во Медицинскиот центар на Универзитетот Вандербилт.
Тој додава дека адаптираните вакцини би можеле да обезбедат подобра заштита од постоечките.