Холандските палачинки се прилично слични на обичните традиционални француски палачинки и на нашите домашни, со таа разлика што во нив се ставаат повеќе јајца, повеќе путер и одат во рерна… Уживајте!
Состојки:
четири лажици путер
две или три јаболка
три четвртини шолја брашно
три четвртини шолја млеко
половина лажичка сол
четвртина лажичка прашок за пециво
лажица шеќер
четири јајца
малку цимет
Подготовка:
Во голема тава со метална рачка ставете го путерот, па ставете ја во рерна загреана на 200 степени. Во сад измешајте брашно, прашок за пециво, сол, шеќер, млеко и јајца. Извадете ја тавата од рерна, одозгора ставете ги исечените јаболка и прелијте ги со смесата за палачинки. Посипете со цимет и печете во рерна 20-25 минути. Превртете во чинија и послужете веднаш.
На здравје!