Цветниот дизајн станува императив штом ќе пристигнат топлите денови, без разлика на трендовите.
Фустаните со цветен принт се избор број еден за одење на работа, излегување со пријателите, одење на роденден или свадба или за прошетка низ град или покрај море.
Со внимателно одбран накит, чевли и фризура, лесните летни фустани се сè што ни треба за да се чувствуваме женствено и заводливо и што полесно да ги поднесеме летните горештини.
Во продолжение ви претставуваме пет модели на фустани кои можете да ги носите во секоја пригода.
1. Сино-бела магија
Миди фустан од вискоза со ракави кои ги покриваат рацете и ги откриваат нозете е одличен избор за топлите летни денови. Расфрлани бели ради на сина позадина ќе направат да изгледате мило и шармантно.
2. Младешки и романтични
Малку подолг модел со „жаби“ во горниот дел прекрасно ја истакнува линијата на телото, а за романтичен изглед придонесуваат пуфкастите ракави и зашиените карнери кои убаво паѓаат. Комбинирајте фустан од овој крој со бели патики и подготвени сте за работа, но и за излегување на пијачка со пријателите или долга прошетка покрај море…
3. Поле со жолто цвеќе
Жолтата и белата боја најдобро го истакнуваат тенот – имајте го ова на ум при изборот на вашата гардероба за лето, но и за периодот кога се враќате од одмор. Летово во мода се враќаат фустаните на преклоп, со врвки околу половината. Шапката и широката јака дополнително ја „зачинуваат“ модната приказна.
4. Рапсодија во црвено
Малку подлабоко деколте, минијатурни ракави кои нагласуваат прекрасно извајани раце, џебови на долниот дел од моделот… Овој црвен фустан ги „смирува“ срамежливоста и провокацијата.
5. Бела магија
Класичен струкиран фустан од тантела, со прерамки и палто, должина до половина од листовите е идеално решение за одење на свеченост. Иако непишаното правило налага да не се појавувате на туѓа венчавка во бела гардероба, решението е да фрлите шал во боја преку рамениците.