Постојат неколку видови на компири, но најзастапени се белиот или црвениот. Двата вида на компири се богати со јаглехидрати, специфичен тип на јаглени хидрати кои ги одржуваат цревата здрави. Конзумирањето црвени и бели компири исто така може да ви помогне да внесете доволно калиум и витамин Ц.
Гледајќи ја содржината на хранливи материи и хранливата вредност, и белиот и црвениот компир се многу слични. И двете се богати со јаглехидрати, калиум и витамин Ц и содржат приближно 150 калории. Но, начинот на кој ги подготвувате компирите влијае на тоа колку оваа храна всушност ќе биде добра за вашето тело и здравје. Подобро е да се јадат печени и варени компири отколку пржени.
Главната разлика помеѓу овие два вида компири е пропорцијата на јаглехидрати. Имено, просечниот бел компир содржи 36,5 грама јаглени хидрати, а црвениот 33,9 грама. Покрај тоа, белиот компир има малку повеќе калории (159) во споредба со црвениот (151).
Една од најголемите придобивки на црвениот и белиот компир е тоа што тие содржат вид на скроб кој е сличен на влакна и јаглехидрати кои вашето тело не може да ги свари. Овој тип на скроб поминува низ желудникот и тенкото црево, а потоа почнува да ферментира во дебелото црево.
Ферментацијата ги храни добрите бактерии во цревата, поради што компирот е класифициран како пробиотска храна. Овој процес помага да се размножуваат добрите бактерии, така што тие ги надминуваат лошите бактерии и ги одржуваат вашите црева здрави.
Покрај тоа што помага во контролата на шеќерот во крвта, отпорниот скроб во компирот може да ви помогне и да се чувствувате сити, да спречите запек, да го намалите лошиот холестерол и ризикот од рак на дебелото црево.
Компирите исто така се богати со калиум и витамин Ц, кои ја одржуваат кожата здрава, помагаат во метаболизмот на протеините и играат важна улога во вашиот имунолошки систем. Црвениот компир има мала предност во однос на белиот, бидејќи содржи речиси двојно повеќе антиоксидантни соединенија, во зависност од тоа колку е пигментиран.
Накратко, и двата вида имаат свои предности, а начинот на подготовка е пресуден за компирот да биде добар и здрав за вас. Многумина сакаат помфрит, но тоа не е најздравата опција бидејќи во тој случај компирот се пржи на многу масло, а потоа се додава многу сол, пишува Livestrong.
Црвениот компир може да има помалку калории и јаглехидрати, но белиот или жолтиот компир се подобар извор на железо и калциум.