Сепак, она за што повеќето се согласуваат е дека оваа песна е веројатно една од најубавите рок балади досега
Не е тајна дека скриените пораки се вообичаени во рокенрол музиката, а песната „Hotel California“ на Eagles дефинитивно е една од најчесто споменуваните во овој контекст. Според некои, кога ќе се слушне наназад, наводно испраќа сатанистичка порака до слушателот.
Сепак, она за што повеќето се согласуваат е дека „Хотел Калифорнија“ е веројатно една од најубавите рок балади досега. Направена во далечната 1976 година, отсекогаш имала различни толкувања, а можеби и тука лежи нејзината популарност, која не запира ниту денес.
Што се однесува до текстот на песната, напишана од постарите членови на групата, Глен Фреј и Дон Хенли, тој опишува уморен патник кога е привлечен од „прекрасно место“ исполнето со гротескни ликови. Во исто време е и гламурозно и застрашувачко и му се чини дека никогаш нема да може да си замине.
Во последните 40 години, луѓето со многу имагинација се обидуваат да дешифрираат што значат стиховите на песната, дека приказната има некаква смисла. Авторите никогаш не сакале да признаат дека песната има скриено значење. Така Фреј рече: „Решивме да направиме чудна песна, само за да видиме дали може да успее“.
Со други зборови, значењето на оваа песна е повеќе случајно отколку скриено. Атмосферата во која човек е во непозната, рурална средина и не му е јасно што се случува, не потсетува, вели Фреј, на романот „Волшебникот“ од Џон Фаулс.
Теориите кои кружат меѓу луѓето ги сумираат типичните изведби на обожавателите за рок музичарите: лицето на насловната страница на синглот што не можете јасно да го видите е сатанист и познатиот стих „you can check out any time you like, but you can never leave“ докажува дека хотелот Калифорнија е всушност психијатриска болница и прикажува зависност од хероин.