Кејт Мидлтон уште еднаш демонстрираше штедлив пристап кон облекувањето и реши да го облече омилениот бел костум по трет пат од почетокот на годината на еден од настаните на кои присуствуваше. Таа им се придружи на принцот Вилијам и принцезата Шарлот во водниот центар Сендвел во Бирмингем.
Според DailyMail, шармантната војвотка од Кембриџ се одлучила за нејзиниот „стар добар“ бел блејзер Александар Меквин од 1.945 фунти и соодветни бели панталони. Блејзерот е олицетворение на кројачките вештини на овој дизајнер; има „јаки рамења“ како што сакаат да кажат стилистите и е совршен за „свадбена пригода во градското собрание“ – како што го опиша самиот креатор.
Позната и како кралица која ги координира боите, војвотката го спои оделото со бела блуза, а за да додаде допир на сјај во нејзината облека, носеше сребрен ѓердан и обетки. Своите убави црти ги истакна со суптилна шминка и пуштена коса. Скромна и софистицирана, Кејт изгледа занесно во овој безвременски ансамбл кој и дава изглед на моќна и успешна жена.
Кејт долго време соработува со Александар Меквин и ги носеше неговите модели на многу важни настани, од кои најважна дефинитивно беше свадбата на Кејт во 2011 година. Инаку, во мај оваа година, модните експерти открија дека белиот костум станал новиот задолжителен дел за членовите на кралското семејство откако Кејт, Меган Маркл и поранешната принцеза на Луксембург Теси го носеле овој комплет во текот на сезоната.
Кејт го започна овој тренд за време на нејзината турнеја на Карибите во март, кога заслепуваше во совршена бела јакна и панталони. Неколку недели подоцна, Меган Маркл носеше бел костум на Валентино на настан во Хаг. По двете, и Теса Антони Де Насау и принцезата Изабела од Данска се појавија во бели костуми на различни настани.