Во фрижидерот раката често ви оди кон конзервата туна, а еве колку пати неделно треба да јадете.
Конзервираната туна е нешто по што повеќето луѓе посегнуваат кога ги мрзи да подготват покомплицирано јадење. Предностите се многубројни, самиот производ ни е веднаш достапен, го има на многу маркети, мал е, лесно се отвора и богат со хранливи материи.
Туната може да се користи како посебно јадење, како прилог или во салата.
Покрај бројните придобивки, како и сите риби, туната содржи витамини А, Б12, Е и Д. Сепак, негативната страна е што може да дојде до труење со жива доколку се консумира во големи количини.
- Богата извор на протеини
Додавањето протеини во вашата исхрана може да биде корисно бидејќи ќе го продолжи чувството на ситост.
Наводно, една конзерва туна во масло содржи 46,6 грама протеини, додека една конзерва туна спакувана во вода содржи 31,7 грама протеини.
Факт е дека треба да консумирате 0,36 грама протеини по килограм телесна тежина, така што само една лименка туна би можела да ви ја обезбеди речиси целата дневна доза на протеини.
- Ги одржува здрави вашиот мозок и очи
Благодарение на омега-3 масните киселини кои се наоѓаат во конзервираната туна, ќе ја зајакнете функцијата на мозокот и очите.
За тоа е доволен, на пример, сендвич со туна.
Омега-3 киселината има својства кои ја подобруваат меморијата, го намалуваат воспалението и ги елиминираат симптомите на суви очи.
- Чувство на надуеност
Една состојка која се наоѓа во целата конзервирана туна е натриумот, кој доколку се консумира во големи количини може да предизвика надуеност.
Конзервираната туна треба да содржи во просек околу една четвртина од дневниот внес на натриум.
- Може да се здебелите
Иако конзервираната туна со додадено масло има некои предности, како што се повеќе протеини и вкус во споредба со конзервираната туна во сопствениот сок, туната во масло има повеќе калории. Во тој случај, тоа може да доведе до зголемување на телесната тежина.
- Можно труење со жива
Конзервираната туна има значително помалку жива од свежата туна, што значи дека можете да ја јадете почесто, иако не се препорачува.
Совет е да се јаде риба околу 2 пати неделно, истото важи и за конзервирана туна.