За да одржите здрав скалп и фоликули, важно е да имате добра урамнотежена исхрана, редовно да ја миете косата и колку што е можно повеќе да избегнувате фризури како цврсти плетенки и пунџи.
Сосема е нормално секој ден да се губи коса. Според Американската академија за дерматологија, нормално е да се губат помеѓу 50 и 100 влакна дневно. Причината е природниот циклус на обновување на телото.
Додека просечниот човек губи околу 50 до 100 влакна дневно, трихологот Пени Џејмс вели дека губењето на повеќе од 150 влакна не е добро. Бидејќи ова е очигледно тешко да се пресмета, важно е да се обрне внимание на количината на влакна што остануваат на рацете по миењето со шампон, на четката или на подот од кадата.
– Севкупно, постојат три различни фази во кои може да биде косата. Фазата на раст е позната како анаген, 85 проценти од косата може да биде во овој циклус одеднаш и може да трае до шест години. Потоа фазата на одмор, катаген, пет проценти од косата ќе биде во оваа фаза и ќе трае до три недели. Фазата на опаѓање се нарекува телоген, кога околу 10 проценти од косата е подготвена да падне природно, па да израсне нова коса. Косата продолжува да функционира во овој циклус во текот на целиот свој живот, објасни Џејмс.
Трихологот Гретчен Фрис додава дека има и други фази низ кои често поминуваме, а во кои опаѓањето на косата ќе биде поголемо од нормалното. Една од нив е „сезонското опаѓање“, кога промената на температурата ги активира фоликулите во оваа фаза. Меѓутоа, ако се чувствувате како да го губите вишокот коса повеќе од еден месец, можеби ќе сакате да побарате третман, нагласува Фрис.
Губењето на косата може да биде предизвикано од стрес, хормонални промени, породување, проблеми со тироидната жлезда, лекови, недостаток на витамини, прекумерно губење на тежината и некои автоимуни нарушувања, додава Фрис.
Кој е најдобриот третман?
За да го одржите вашиот скалп и фоликулите здрави, повеќето трихолози препорачуваат:
Добра урамнотежена исхрана,
Земање витамини Б, 6 и 12 и витамин Д,
Редовно миење на косата, најмалку три пати неделно (за природна, виткана коса, еднаш неделно).
Исто така, обидете се да избегнувате фризури како репчиња, пунџи, стегнати плетенки. Инвестирајте и во висококвалитетен шампон и регенератор. Можете исто така да ја третирате косата со природни масла како лаванда, рузмарин, јојоба, бадем, масло од авокадо. Овие може да се мешаат и да се користат како третман за скалпот и косата со нанесување на скалпот и косата, но ако имате природно мрсен скалп, не го користете овој третман.