Дали знаете што се случува со вашето тело откако ќе завршите со постот?
Доколку сте постеле цел велигденски пост, веројатно сте забележале одредени промени во вашето тело.
Вашето варење секако е подобро, но можно е доколку сте навикнати да јадете месо секој ден, да се чувствувате побавно и да имате мал пад на енергијата доколку не сте нашле соодветна замена за месото.
Во тоа ќе помогнат гравот, јаткастите плодови, сојата и житариците.
Месото е многу важно за одржување на нивото на железо, па ако постите, тогаш проверете ја вашата крвна слика. За да го избегнете ова, треба да јадете спанаќ и леќа.
Проблемот е после постот ако сакате да се вратите на старата исхрана. Најлошото нешто што можете да му го направите на вашето тело е да се прејадете одеднаш. Затоа направете рамнотежа помеѓу протеините со малку маснотии, зеленчукот, овошјето, јаглехидратите и здравите масти.
Прво, трите групи на храна што треба да ги јадете по постот се протеини (пилешки гради, грчки јогурт, грав, грашок и леќа, риба и школки, тофу), како и овошје и зеленчук.
Од друга страна, треба да ја ограничите храната која е богата со калории и содржи големи количини на додадени шеќери, заситени масти и соли кои се нездрави за срцето.
Она што треба да го избегнувате се бисквити, колачи, пити, овошни пијалоци и одредени чаеви, а она што нема да ве засити, туку уште повеќе да ве изгладни се крекерите, чипсот и ѓевреците.