Џенифер Кулиџ, ѕвездата на серијата „Бел лотос“ на HBO, чија втора сезона заврши со емитувањето, на својот Инстаграм профил објави фотографија од целата актерска екипа, честитајќи им на сите за успехот и четирите номинации за Златен глобус.
Заедно со фотографијата таа напиша: “Честитки до сите кои работеа на White Lotus на повеќекратни номинации за Златен глобус. Полна сум со благодарност што бев во друштво на таква харизматична група луѓе! Шетајќи по улиците на Сицилија со овие актери беше надвор од моите најлуди соништа. Ако можете, наминете кај гробиштата“.
Обожавателите и честитаа на познатата актерка која доби една од номинациите за улогата на милијардерката Тања, но ја погледнаа и самата фотографија од актерската екипа. Имено, некои тврдат дека два заљубени парови можат да се откријат по говорот на телото.
Така, повеќето се убедени дека Адам Ди Марко, кој го игра Алби Ди Грасо, и Хејли Лу Ричардсон, која ја игра Порша, се вљубени и во реалниот живот, освен во шоуто. Тврдат дека на таа фотографија се гледа хемијата меѓу нив. Исто така, на обожавателите им се чини дека Меган Фахи, која ја игра Дафне, и Лео Вудал, кој го игра криминалецот Џек, иако се пар кој не е емотивно врзан во шоуто – во реалниот живот тие се заљубени.
Дали овие актерски парови навистина се во врска, ќе се открие порано или подоцна, а обожавателите на оваа мегапопуларна серија можат да бидат среќни бидејќи нивните ликови ќе продолжат да ги забавуваат со оглед на тоа што режисерот Мајк Вајт најави нова, уште полуда сезона.