Најдобар сојузник во исхраната може да биде зеленчукот.
Ако додадете повеќе зеленчук во вашата исхрана, тешко дека ќе погрешите. Овие намирници се богати со многу важни хранливи материи, а начините на подготовка се толку многубројни што секогаш ќе имате богато и разновидно мени.
Меѓутоа, доколку сакате да посветите посебно внимание на отстранувањето на масните наслаги, одредени видови зеленчук се особено корисни.
Спанаќот е многу корисен, благодарение на неговата висока содржина на влакна, кои го апсорбираат вишокот маснотии и го помагаат варењето. Значаен е и процентот на витамин К, бидејќи придонесува за топење на висцералните масти. Да се потсетиме, ова се најопасните масни наслаги кои ги обложуваат внатрешните органи и го здебелуваат стомакот.
Црвените пиперки се идеален зеленчук за диета. Имаат многу малку калории и многу важни хранливи материи и долго даваат чувство на ситост. Капсицинот, кој им дава црвена боја, е многу корисен во исхраната. Се препорачуваат за сите кои се склони кон прејадување – доколку по оброкот почувствувате дека сеуште не сте сити, земете една црвена пиперка и полека грицкајте ја. Ќе видите дека чувството на глад наскоро ќе помине.
Брокулата секогаш се препорачува за диета, бидејќи се смета за супер-храна и има малку калории. Овој зеленчук е богат со антиоксиданси кои ги смируваат воспаленијата во телото, предизвикани од масните наслаги. Главната состојка е сулфорафан и го намалува нивото на озлогласените цитокини, за кои сите читаме за време на епидемијата на корона вирусот. А брокулата дава чувство на ситост.
Последни на оваа листа се морковите. Нивното „тајно оружје“ не е некоја состојка, туку специфичната текстура поради која во процесот на варење се трошат повеќе калории.
За да ги зачувате важните состојки на зеленчукот, не го изложувајте на долга термичка обработка. Идеално е кратко да се обари или да се испече во рерна, во добро затворен, огноотпорен сад.
Ќе послужи и парче алуминиумска фолија, само измијте го и исечкајте го зеленчукот, посипете со малку сол и добро завиткајте во фолија. Ставете го на плех и печете во рерна околу дваесет минути.