Како што се наведува, раперот решил да се забавува среде разводот со Кардашијан
Се чини дека сингл животот на раперот Канје Вест (44) не траеше долго бидејќи сега е фатен како ужива на романтична вечера со актерката Џулија Фокс (31), пишува „Page Six“.
Вест и Фокс добро се забавуваа додека вечераа во ресторан во Мајами. Раперот носеше црн капут, додека актерката се одлучи за провокативен син корсет и фармерки.
Сепак, изворите велат дека средбата не била „ништо сериозно“ и дека Вест едноставно се обидувал да се забавува среде разводот со Ким Кардашијан (41).
Веста беше споделена во Мајами во изминатиот месец, откако Ким јасно стави до знаење дека е сериозна во врска со барањето за развод. Набргу откако го поднесе барањето, ја започна врската со комичарот Пит Дејвидсон (28).
Да се потсетиме, Канје неодамна купи вила спроти куќата во која живее неговата поранешна сопруга со четирите деца. За куќата платил 4,5 милиони долари.
Како што изјави тогаш близок извор на раперот, ова е уште еден во низата негови обиди да ја врати Ким, иако досега неколкупати се обидел, но безуспешно.