Новата серија на Нетфликс „Wednesday“ ни донесе модернизирана приказна за бизарното семејство Адамс и новите авантури на една мрачна девојка чијашто глетка ви предизвикува морници.
Овојпат Среда Адамс е тинејџерка, со борби како нејзините врсници, но сепак очекувано и со луди и вознемирувачки пресврти.
„Wednesday“ доживеа огромен успех, а многумина истакнуваат дека, покрај одличната актерска екипа, во која се и Кетрин Зета-Џонс како Мортиша и Луис Гузман како Гомез, тоа во голема мера се должи на младата актерка Џена Ортега (20), нашата нова Среда.
Откако серијата ја воодушеви публиката ширум светот, Џена на секој чекор предизвикува хаос кај маѓепсаната публика, а за само неколку дена доби повеќе од 10 милиони нови следбеници на Инстаграм, таа веќе има повеќе лајкови на своите фотографии од супермоделот Кендал. Џенер…
Почнува да зборува и за нејзиниот необичен стил, кој моментално е прилагоден на промоцијата на серијата „Wednesday“ – мрачен, откачен, а сепак некако строг со малку кокетство со бизарното.
Џена Ортега и нејзините стилисти очигледно ја користат Среда Адамс како модна инспирација, а ова се најинтересните изданија што ни ги прикажа во последно време.
На светската премиера на серијата „Wednesday“ во Лос Анџелес, Џена се појави како темна невеста, во црн фустан на италијанската модна куќа Версаче, кој е покриен со тантела, а сè е проследено со црн превез.
Класичен црн костум, бела кошула, црна вратоврска, чанта Dolce&Gabana и палто со рамен крој… Баш како што би се облекла Среда Адамс кога би била поканета на утринската програма!
На доделувањето на MTV наградите, Џена се појави во мал црн фустан, но на свој начин! Таа избра креација на Валентино со заоблен врат, која и ги разголи рамениците и има необичен крој во стилот на Барби.
Како член на латино заедницата во Америка, Џена Ортега не отсуствуваше на настанот Annual Celebration Of Latino Cinema & Television, каде што се појави во хипнотизирачка полупроѕирна и црна креација на Saint Laurent со едно рамо.
И тоа е само почеток!
