На вчерашното доделување на SAG наградите многу светски познати личности се собраа на црвениот тепих и подготвија вистинска промоција на гламур и елеганција.
Посебно внимание привлече, секогаш посебната и екстравагантна, Лејди Гага. Таа се појави во елегантен бел фустан од брендот Армани, кој зрачи со италијански гламур. Својата комбинација ја надополни со впечатливо ланче Тифани, кое ја разби сета таа белина, а самиот фустан има длабоко деколте со сребрени корпи.
Лејди Гага е позната по својата ексцентричност, па овојпат премногу внимание привлече мирната бела комбинација. Со силна шминка на очите, таа додаде доза сериозност на својот изглед и дополнително сето тоа го надополни со малку искривени бранови.
Да потсетиме, ова е доделување на наградите на Друштвото на филмски актери, а оваа традиционална свеченост собира голем број познати личности кои секоја година чекорат на црвениот тепих во своите гламурозни и необични стајлинзи.