Џенифер Лопез е фотографирана во едноставен, но интересен стајлинг кој прави идеална комбинација на облека за блискиот крај на зимата.
Додека ги чекаме сончевите денови, стајлингот на латино дивата може да послужи како инспирација за следниот работен ден, кој ќе го зачиниме со комбинација од различни трендови.
Џенифер често можеме да ја видиме во едноставни секојдневни стајлинзи за разлика од оние што ги носи на настапите. Таа ги комбинира актуелните трендови со оние работи кои се дел од нејзиниот стил.
Таа ја освежи доминантната црна боја со црно-црвен кариран капут. Подолу носи плисирано мини здолниште со кожни детали и класична црна маичка.
Покрај тоа, на рамото има црна чанта и високи, исто така црни кожени чизми.
Пејачката и актерката направила одлична комбинација на безвременски трендови.