Иако главна ѕвезда на 36-та награда Гоја во Валенсија, Шпанија, беше Пенелопе Круз, нејзината колешка, кралицата на црвениот тепих Кејт Бланшет не заостана зад неа!
Актерките од А-листата присуствуваа на овој важен настан, всушност, шпанскиот еквивалент на Оскарите, а австралиско-американската актерка беше специјален гостин во Валенсија, добивајќи покана од Шпанската академија за филмски уметности и науки. Оскаровката блескаше на ова престижно доделување во секоја смисла, па покрај тоа што ја доби меѓународната награда Гоја, по што одржа говор, потврди и зошто е ненадминат познавач на модата.
За 52-годишната Кејт, стилистката Елизабет Стјуарт смислила две комбинации, а не се знае која била поефикасна!
За дневната варијанта Кејт се прошета на црвениот тепих и позираше во костум од пастелни нијанси и кариран дезен, што го носеше доста моќно, а се работи за парче облека со потпис на Џорџо Армани. За нејзиниот моден избор да биде уште подобар, таа со оделото облече класични бели патики!
Како што Пенелопе Круз го носи Шанел, така и Кејт Бланчеt е приврзана за Армани и секогаш му е верна на сите црвени теписи во Европа и Америка. За вечерното издание на доделувањето, како и за добивањето на наградата, актерката носеше луксузен фустан, покриен со многу кристали и реси, за интересно деколте и јака, а тоа беше вистинска модна магија.