Љубовните експерти нагласуваат дека не е невообичаено на почетокот на бракот да се запрашате дали тоа е навистина љубов за до крајот на животот и дали навистина сте ја пронашле својата сродна душа.
Без разлика дали само го кажавте судбоносното „да“ или повеќе не можете да ги броите годишнините на прстите од двете раце – постојат јасни знаци кои откриваат дека вашиот брак ќе опстане.
1. Не се игнорирате еден со друг
Добриот брак е изграден на темелите на добрата комуникација. Но, кога партнерот не е редовно присутен во дух или се однесува како да има поинтересни работи додека брачниот другар зборува, лесно може да се појави презир во врската.
Честа болна точка на многу парови во денешно време е „чепкањето“ на мобилниот додека едниот партнер се обидува да разговара. Паровите кои често се слушаат, без разлика колку се мали или големи разговорите, имаат многу поголеми шанси да живеат посреќно заедно.
2. Се инспирирате еден со друг да бидете подобри
Врската која е изградена на взаемна мотивација и инспирација е секако силна. Партнерот треба да ве инспирира да покажете и да го дадете најдоброто од себе, да се соочите со проблемите и да го промените светот на подобро.
3. Работите ги решавате со компромис
Ако компромисот е главното решение за решавање на проблемот и завршување на расправијата и за вас и за вашиот партнер, знајте дека сте на добар пат да живеете со таа личност долги години. Импулсивно донесување одлуки и онака никогаш не било добра работа.
4. Можете да зборувате за се
Вистинските партнери си кажуваат сè. Понекогаш не е лесно да се каже што ни пречи или што ни е на ум, но сродните духови не ги кријат работите дури и во оние моменти кога „вистината може да боли“.