Врската е рамноправно партнерство на две лица, но проблемот настанува кога таа рамнотежа е нарушена.
Сосема е нормално да сакате да се грижите за саканата личност, но не смеете да дозволите таа грижа да стане опсесија и да се претвори во глумење родител на партнерот.
Знаците дека не се однесувате како партнер во врската туку како родител се различни, а некои од нив се:
- Расправија без решение
Кавгите се составен дел и се сосема нормални, но не смеат да станат безуспешни. Целта секогаш треба да биде да се најде решение кое е добро за двајцата. Кога ќе ви снема решенија, тоа е лош знак.
- Чистење на нередот од партнерот
Сите сме доволно стари и способни да се грижиме за себе, па нема потреба постојано да одиме да чистиме по некого или да собираме туѓи расфрлани работи. Ќе биде многу подобро ако подеднакво ја делите домашната задача и уживате во тоа.
- Создавање оправдувања
Сакате да го видите саканиот во вистинско светло и секогаш да биде најдобар, но тоа не значи дека тој нема право понекогаш да биде малку полош и да не ги оправдува вашите големи очекувања. Ако постојано го оправдувате неговото лошо однесување, тоа е знак дека се однесувате како мајка, а не како девојка или сопруга.
- Целосна контрола
Не можете да држите сè под контрола, па ако сакате да знаете сè во секое време, тоа води до пропаст. Треба да му дозволите на партнерот сам да донесе некои одлуки, а не секогаш да чека ваше одобрување.
- Постојано приговарање
Никој не сака да слуша постојано жалење и вечно незадоволство. Ова не е пожелно во ниту еден однос, особено не во врска. Ќе се претворите во здодевна личност на која ништо не и одговара и со тоа ќе ја прекинете врската во која се однесувате како родител.