Фустанот е одраз на женственоста, а моделите кои можат да се користат како дел од зимската и есенската гардероба се секогаш добредојдени.
Ова парче облека никогаш не излегува од тренд, а неговата предност е што не треба да размислувате со што ќе го комбинирате.
Со добри чевли или чизми, едноставна јакна ако е потребно поради временските услови, секогаш ќе изгледате елегантно и стилски во фустанот.
Ви носиме пет модели на фустани за секој ден во кои ќе се чувствувате како кралица на стилот.
1. Едноставен еднобоен фустан
Секогаш е пожелно да го имате овој модел на фустан во гардеробата, а особено е привлечен во смарагдно зелената боја.
2. Кариран за секој ден
Карираниот фустан во поголеми коцки е вистинскиот избор за деловен стајлинг, но и за попладневно дружење на кафе.
3. Асиметричен модел
Асиметричниот модел на фустанот во две бои ќе и даде посебен изглед на вашата фигура. Предноста на овој фустан е материјалот од кој е скроен, па можете да го носите практично цела година.
4. Тексас фустан
Вечна класика меѓу фустаните е ненадминатиот тексас фустан, кој никогаш не излегува од мода.
5. Неприкосновено практичен
Доколку ви треба практичен фустан за секоја пригода, тогаш збогатете ја вашата гардероба со овој модел во црно-бело.