Покрај витамините, минералите се многу важни хранливи материи кои имаат бројни функции. Еден од најважните минерали е магнезиумот.
Магнезиумот е есенцијален минерал кој може да се најде релативно често во храната. Помага во зголемување на енергијата, намалување на воспалението и одржување на имунитетот.
Тој е вклучен во стотици хемиски реакции во нашето тело и ни помага да го одржиме доброто здравје, но многу луѓе не го достигнуваат референтниот дневен внес од 400 милиграми, пишува Healthline.
Сепак, лесно можете да ги задоволите вашите дневни потреби со јадење храна богата со магнезиум. За вас подготвивме пет намирници кои се богати со овој минерал.
1. Темно чоколадо
Темното чоколадо е многу богато со магнезиум, железо, бакар и манган и содржи пробиотски влакна кои ги хранат здравите цревни бактерии.
Покрај тоа, тоa е полн со корисни антиоксиданси. Темното чоколадо е особено корисно за здравјето на срцето, бидејќи содржи флаваноли, кои се моќни антиоксидантни соединенија кои ја спречуваат оксидацијата на лошиот холестерол.
2. Јаткасти плодови
Благодарение на омега 3 масните киселини, јаткастите плодови ја подобруваат функцијата на мозокот, но и детоксикацијата во организмот. Тие содржат двојно повеќе антиоксиданси од кое било друго коскесто овошје. Освен со магнезиум, богати се и со калиум, железо, витамини Б и Ц.
3. Тофу
65 грама тофу содржи 37 милиграми магнезиум, а исто толку од овој вегетаријански извор на протеини задоволува 43 отсто од дневните потреби за калциум.
4. Банани
Една банана содржи околу 22 милиграми магнезиум. Бананите содржат и калиум, кој помага во намалување на крвниот притисок. Зрелите банани имаат повеќе шеќери и јаглехидрати од повеќето други овошја, па затоа можеби не се погодни за луѓе со дијабетес.
5. Семки од тиква
Во 30 грама семки од тиква има околу 74 милиграми магнезиум. Тие се и добар извор на влакна, мононезаситени масти кои се добри за срцето, а не им недостасуваат протеини. Поради влакната и протеините, семките од тиква се одлична ужина за сите кои сакаат да ослабат.