Донатела Версаче денес има 66 години и е мета на критики поради интервенции на лицето. Дали изгледа за годините или не, оставаме на вашиот субјективен суд.

 

 

 

Но, она што е видливо е дека таа неколку години наназад како воопшто да не се менува. Во тоа секако ѝ помагаат и естетските интервенции.

 

Никогаш не криела дека ботоксот е нејзин сојузник во битката со годините, а често може да се сретне и нејзината изјава дека не верува во природно стареење и убавина на жената.

 

Сепак, не може да се рече дека таа не е убава жена. Но, со годините и редовното користење ботокс, филери и други естетски зафати, таа сосема ќе го смени изгледот, а пластични хирурзи коментирајќи како таа изгледа, ќе речат дека нејзиниот облик на лице е сосема сменет, а веѓите со годините се спуштени надолу.

Донатела во 2005 година ќе открие дека 18 години била зависник од кокаин, како и тоа дека била на лекување, односно рехабилитација во Аризона. Во тие 18 изминати години, таа ќе ја ужива популарноста на брендот, бидејќи 20 години ќе работи со Џани заедно на афирмација на нивната модна куќа, се реализира како мајка на две деца, но потоа ќе го загуби братот, ќе застане на чело на брендот, се разведува…

 

Истата 2005 година, нејзиниот тен ќе биде потемен од вообичаено, што веројатно е послеледица токму и на нејзиното лекување, за неколку години подоцна да ја видиме со избелен тен,што според стручните лица е последица на бројни ласерски зафати, значително зголемени усни  за 50 проценти зголемени), но и затегнато лице.

 

Сепак, како ќе старее, така нејзиното лице ќе добива текстура, што може да се види и од фотографиите од 2011 година. Сепак, дополнителното затегнување, ќе го реши „проблемот“ и од 2014 до денеска, таа речиси изгледа идентично.

 

Доказ дека Донатела нема проблем со својот изглед денес, ниту пак претходно, се и фотографиите од младоста што често знае да ги сподели на социјалните мрежи.

 

Но, без разлика на тоа, брендот продолжи да функционира успешно, иако загубата на Џани е ненадминлива. „Версаче“ сепак и денес е еден од водечките брендови во светот.