Тизерот од претстојната серија „Интервју со вампир“ беше објавен на официјалната Твитер страница на AMC и ги воведе гледачите во треперливата ноќ на Њу Орлеанс и сенките од кои демне опасност.
Не многу, туку само да го заскокоткаат вниманието на сите љубители на делото на Ен Рајс.
Жешката и шарена јужна ноќ пред хотелот Ејвори, прскалки, џез за момент ја донесоа атмосферата на „лудите дваесетти“. Сè додека камерата не се фокусираше на една личност, во капут што секако не припаѓа на ерата, а музиката целосно не замолкна, сугерирајќи дека ништо добро не се подготвува за оваа вечер.
Судејќи по неговата коса и палто, лесно може да се претпостави дека личноста што ја гледаме само одзади е Лестат де Лионкур, главниот лик во серијата романи за бесмртните на Ен Рајс.
Во серијата „Интервју со вампир“, улогата на Лестат (во филмот ја игра Том Круз) ја презеде австралискиот актер Сем Рид. Џејкоб Андерсон (Сивиот црв од „Игра на тронови“) ќе го замени Бред Пит како Луис, Бејли Бас ќе ја игра Клаудија (девојката која ја игра Кирстен Данст), Асад Заман ќе се појави како Рашид, а Ерик Богосјан како Даниел Малиот.
Како што споменавме, серијата е базирана на романот на Ен Рајс од 1976 година, од кој подоцна е напишана целата „Вампирска хроника“. Тринаесеттата и последна книга од серијата „Крвава заедница: Приказната за принцот Лестат“ е објавена во 2018 година. Рајс, која почина минатата година, беше потпишана како еден од продуцентите на серијата, исто како и нејзиниот син Кристофер Рајс.
Извршен продуцент е Марк Џонсон.
– Предизвикот за адаптација на револуционерното и исклучително влијателно дело на Ен Рајс за телевизија е и застрашувачки и возбудлив. Откако претходно продуцирав филмови од вакви уникатни дела, ја препознавам и одговорноста и обврската што ја должиме кон материјалот. Цврсто верувам дека со AMC и Ролин Џонс сме опремени да одговориме на овој предизвик и да ги воодушевиме и забавуваме и верните обожаватели на Ен Рајс и гледачите кои штотуку ја откриваат нејзината работа, рече тој.
„Интервју со вампир“ не е единствената серија што AMC ја развива врз основа на делото на Рајс. Работат и на „Вештерките од Мејфер“, со Александрија Дадарио и Хари Хамлин.
„Интервју со вампир“ ќе се емитува на AMC и AMC + оваа есен во САД.
Погледнете го тизерот:
Welcome to New Orleans. #InterviewWithTheVampire pic.twitter.com/LGj10oxdQh
— Interview with the Vampire (@Immortal_AMC) April 19, 2022