Популарната пејачка Ријана стана мајка во мај оваа година, а од породувањето до сега само неколку пати се појави во јавноста. Затоа многумина беа изненадени кога синоќа заедно со партнерот се појави на премиерата на филмот „Black Panther: Wakanda forever“.
Ријана за оваа прилика облече сив фустан кој поради светките на него трепереше и во маслинесто зелена боја. Својот стајлинг го комплетираше со долги ракавици и впечатливи обетки.
Пејачката ја носеше долгата коса пуштена и извиткана, а на фризурата посебен шмек ѝ дадоа плетенките од страна. Со оглед на тоа дека обожава шминка и има свој бренд, Ријана беше прекрасно нашминкана, но многу умерено и ефикасно во исто време.
Нејзиниот партнер, пејачот Асап Роки, се потруди да го следи нејзиниот стил и беше облечен фармерки со едната нога црна, а другата сива, сива кошула и црна маица.
