Кога ќе го слушнете ова, ќе ви биде јасно што треба да се поправи…
Сите одамна знаат колку спиењето е важно за правилно функционирање на организмот. И покрај честите предупредувања и совети од лекарите, луѓето често не ги почитуваат правилата кои велат дека треба да спиеме 8 часа на ден. Гледањето телевизија и користењето на телевизорот непосредно пред спиење има многу лошо влијание врз квалитетот на сонот, а квалитетот на сонот дополнително доведува до пад на имунитетот, што ја прави поголема веројатноста да бидете подложни на инфекции.
Д-р Ребека Робинс објасни што се случува во мозокот кога спиеме помалку од шест часа сон и колку тоа може да направи разлика дури и само еден час повеќе.
– Ако една ноќ спиете осум часа, а следните шест и го промените ритамот, всушност испраќате порака до мозокот да се прилагоди на различна временска зона. Секој следен пат кога ќе си легнете, тоа му станува предизвик и го збунувате. Отровите кои потоа ги ослободува мозокот може да доведат до сериозни компликации и проблеми како деменција – вели Ребека Робинс.
Исто така, истражувањата покажаа дека оние кои не спијат доволно имаат поголеми шанси да заболат од грип и разни вируси бидејќи имунитетот паѓа и луѓето стануваат почувствителни. Да се има точен распоред за одење во кревет и будење е клучно за одржување на добро здравје.
– Многумина мислат дека само децата треба да имаат добра рутина за спиење, но вистина е дека тоа е неопходно и за возрасните – изјави докторката.
Д-р Робинс предлага да не го користите телефонот пред спиење, туку да одвоите неколку минути за да ги одморите очите и потоа да заспиете. Исто така, ако се будите во текот на ноќта, не кревајте го телефонот. Обидете се да седнете и тоа е едноставно, не правете ништо, бидете сами со вашите мисли.