Да се избели облеката, на сосема природен начин.
Бела кошула или совршено бела маица се класика кога станува збор за гардероба. Дали сте ја погледнале белата облека во последно време? Ако изгледа малку сиво или валкано бело, можеби е време да ја освежите. Ако немате белило при рака или ако претпочитате да прескокнувате хемикалии, еве неколку алтернативни начини за белење на алиштата, вклучително и некои природни методи.
1. Дестилиран оцет
Додадете една чаша дестилиран бел оцет во 3 литри врела вода. Потопете ја белата ткаенина и оставете ја да се отстои преку ноќ, а потоа исперете ја како и обично. Додавањето на една чаша бел оцет во циклусот на плакнење при перење бела или шарена облека ќе помогне да се уништат остатоците од детергентот што ја остава облеката „валкана“.
2. Лимон
Лимонска киселина може да ги избели ткаенините и добро влијае на белење на памучни, лен и полиестерски влакна. Измешајте половина чаша сок од лимон (околу четири лимони) во 3 литри врела вода. Додадете бели алишта и оставете ги да киснат најмалку еден час или преку ноќ за да избелат. Потоа исперете како и обично.
3. Сода бикарбона
Измешајте една чаша сода бикарбона во 3 литри врела вода, а потоа тргнете ја од оган, додадете валкана бела облека и оставете ја да кисна најмалку еден час или преку ноќ. Натриум бикарбонатот ќе помогне да се уништи нередот што се провлекол во вашата памучна облека. Исперете како и обично.
4. Водород
Безбеден за употреба на сите ткаенини што се перат, водород пероксид е лесна форма на белење со кислород. Користете 3% раствор од аптека за прва помош и додадете една чаша во дозерот за белење. Бидејќи водород пероксидот брзо се распаѓа, проверете дали е свеж (треба да се распаѓа кога ќе се истури во чаша), во спротивно додавате обична вода во машината за перење!