По пауза од шест години, групата Металика се врати, објавувајќи го денеска синглот наречен „Lux Æterna“, со кој најавија и повратен албум и голема турнеја за следната година.
Албумот „72 Seasons“ го продуцираа Грег Фиделман, Џејмс Хетфилд и Ларс Улрих, а ќе излезе на 14 април следната година. Сепак, на задоволство на своите фанови, денеска објавија една песна од албумот.
Траката „Lux Æterna“ е веќе преслушана повеќе од милион пати за неколку часа од нејзиното објавување.
Нивната турнеја започнува во Европа истиот месец кога го издаваат албумот, пред серија концерти во Северна Америка подоцна во годината. Дополнителни места се закажани за Европа и Америка во 2024 година. Турнејата вклучува две шоуа во секој посетен град, а бендот ветува сосема различни сет-листи и споредни состави во секоја од нив.
Во соопштението за печатот, Хетфилд го објаснува насловот на албумот вака:
– 72 сезони. Првите 18 години од нашите животи кои го формираат нашето вистинско или лажно јас. Концептот дека нашите родители ни кажале „кои сме“. Можна борба за тоа каква личност сме. Мислам дека најинтересниот дел од ова е континуираното проучување на тие суштински верувања и како тие влијаат на нашата перцепција за светот денес. Голем дел од нашето искуство во зрелоста е реконструкција или реакција на тие искуства од детството. Дали остануваме заробеници на нашето детство или се ослободуваме од тие окови што ги носиме.
Слушнете ја песната подолу: