Рене Зелвегер отсекогаш успешно си ја враќала килажата со диета, а сведоци сме на нејзините големи осцилации кога се во прашање килограмите, бидејќи за потребите на филмови морала да се здебелува.
Познатата актерка со помош на нутриционист си го вратила совршениот изглед и не крие дека благодарение на таа диета и денес се чувствува подобро и има повеќе сила од вообичаено.
„Ми беше многу важно здравјето во секое време да биде на завидно ниво“, изјави еднаш Рене, а токму оваа диета го овозможува тоа.
„Зонската диета“ не само што влијае на слабеењето, туку позитивно влијае и на целиот организам и општото здравје.
Принципот на работа на оваа диета е специфичен однос на внесот на храна. Неопходно е да се внесуваат 40 отсто јаглени хидрати, 30 отсто протеини и 30 отсто масти секој ден.
Има некои намирници кои се забранети, како што се: бананите, грозјето, сувото овошје и мангото, поради високиот процент на шеќер, а од зеленчук, грашок, пченка и компири.
И она што е важно, треба да избегнувате се што содржи бело брашно.
Рене Зелвегер исто така истакна дека физичката активност е многу важна, и дека сето тоа нема да има вистински ефект доколку барем малку не се движите.
Пример за диета:
Појадок:
Омлет од 6 белки со аспарагус/авокадо или зелени пиперки и 2 лажички маслиново масло.
Ручек:
Салата со пилешки гради на скара, прелиена со маслиново масло и оцет и свежо овошје.
Прва закуска:
1/4 чаша урда со малку маснотии, 1/2 чаша ананас, 1 лажица сечкани бадеми.
Вечера:
Лосос со лажица бадеми, 2 чаши зеленчук на пареа, 1 шолја боровинки.
Втора закуска:
Парче тврдо сирење и по желба малку црвено вино.