Актерката Анџелина Џоли реши да основа свој бренд „Atelier Jolie“ во кој не само таа,туку и другите занаетчии ќе имаат можност да ги изложат своите креации.
Анџелина оваа есен и официјално зачекори во модните води.Фустанот во кој Ени Либовиќ ја фотографираше за ноемвриското издание на магазинот го потпишува Atelier Jolie.
View this post on Instagram
Новиот потфат се вклопува со нејзиниот етички кодекс,социо-политичките погледи и глобалната грижа за екологијата.Нејзината намера беше да формира еден вид културен центар:работилница со услуги за кроење и рециклирање,галерии каде локалните занаетчии ќе ги изложуваат своите дела во соработка со бегалските организации.
– Не сакам да бидам голем моден дизајнер,туку да градам простор за другите,за да станат такви.Низ годините запознав многу занаетчии,многу способни,талентирани луѓе и би сакала да ги видам како се развиваат.
За лансирната рампа,таа избра иконично место на Менхетен,зградата во која некогаш живееле и создавале познатите уметници Енди Ворхол и Жан-Мишел Баскија.Таа се надева дека нејзиниот бренд ќе ги инспирира жените да се чувствуваат доволно силни за да ја покажат својата чувствителна страна.
Анџелина,голем поддржувач на одржливата мода,пред година и пол почна да ја реализира идејата за сопствен бренд.Еден од првите модели е овој фустан од „deadstock“ материјал,оној од отпад.
Во модниот проект ги вклучи и најстарите деца.Деветнаесетгодишната Пакс го дизајнираше логото,една година помладата Захара бараше идеална локација заедно со нејзината мајка.