Кралското семејство утрово се собра во замокот Виндзор
Кралот Чарлс утрово ги собра членовите на своето пошироко семејство за неговата прва служба во Виндзор како монарх.
Следејќи ги стапките на неговата покојна мајка, кралицата Елизабета, која секогаш приредуваше Велигденски прием во нејзината резиденција во Беркшир. Чарлс беше придружуван од сопругата, кралицата Камила и неговите три внуци, принцот Џорџ, принцезата Шарлот и принцот Луис.
Принцезата од Велс, Кејт, и кралицата се одлучија за кралско сина боја за нивниот формален изглед. Ова е прва служба за најмладиот член на семејството, принцот Луис. Тој цврсто ја држеше раката на мајка си и фрли сериозен поглед на собраните медиуми, додека принцезата кратко се насмевна и ги поздрави.
Чарлс и Камила изгледаа видно расположени, насмеани и ја поздравуваа толпата мавтајќи.
Видеото може да го погледнете ТУКА.
На неделната велигденска служба присуствуваа и братот на Чарлс, Ендру и сестрата принцезата Ана.
Семејството Велс беше меѓу групата помлади членови на семејството кои пешачеа од замокот Виндзор до капелата Свети Џорџ. Насмејаната принцеза Шарлот (7) во капут и елегантни темни чевли, со сини хулахопки, го држеше татко ѝ за рака, додека принцот Џорџ (9) стоеше зад неа.