Оваа форма на рекреација позитивно влијае на физичкото и психичкото здравје, придонесува за одржување на рамнотежа и зајакнување на коските, имајќи предвид дека со вртење на педалите телото дава отпор. Работи одлично против депресија и стрес, па ако чувствувате дека ве обзема такво чувство, качете се на велосипед и возете.
Стручњаците велат дека два часа возење велосипед неделно се доволни за да бидете фит и да го подобрите вашето здравје. Не бара премногу физичка подготвеност и е погодно за почетници кои сакаат да се занимаваат со спорт.
Истражувањата покажаа дека возењето велосипед помага и при воспаление на горниот респираторен систем и ублажување на симптомите на настинка. Се смета дека ги намалува симптомите на настинка и инфекции за 40 проценти. Помага и за зајакнување на имунитетот бидејќи е еден вид лесна вежба која го зголемува производството на есенцијални протеини и будењето на белите крвни зрнца.
Возењето велосипед е една од најефикасните рекреативни активности бидејќи ги активира сите мускулни групи, особено нозете, па затоа е тренинг за речиси цело тело. Веќе по две или три недели редовно возење велосипед, ќе се гордеете со совршената форма на нозете, бидејќи за вртење на педалите е потребна работа на сите мускули во нив. Исто така, мускулите на долниот дел на грбот, како и стомачните мускули помагаат да се одржи правилната положба на телото на велосипедот.