Нездравиот начин на живот и исхрана доведуваат до недостаток на одредени витамини или минерали, а не е тајна дека се поголем број луѓе го имаат овој проблем. Витаминот Ц е една од најважните есенцијални хранливи материи што треба редовно да се консумираат за да се спречи неговиот недостаток, што може да доведе до сериозни здравствени проблеми.
Диететичарите истакнуваат дека најчести фактори на ризик за недостаток на витамин Ц кај луѓето се лошата исхрана, алкохолизмот, анорексијата, тешките ментални болести и пушењето. Иако симптомите на сериозен недостаток на витамин Ц може да треба месеци за да се развијат, постојат знаци на кои дефинитивно треба да внимавате, бидејќи тие може да укажуваат на недостаток на овој важен витамин.
Дел од тие се:
– замор
– сува кожа
– поголема подложност на болести
– крварење на непцата
– модринки
– рани кои бавно зараснуваат
– болки во зглобовите или колената
– анемија
– лошо расположение или чести промени во расположението
– необјаснето зголемување на телесната тежина
Според статистичките податоци, околу 7 отсто од жените и 10 отсто од мажите имаат често или постојано недостаток на витамин Ц. Храна со која можете да го надоместите витаминот Ц се црвените пиперки, киви, портокали, јагоди, зелје и дињи.