Принцот Хари предизвика неверојатна бура со своите нови мемоари „Spare“, чии извадоци веќе се објавени во јавноста, иако книгата сѐ уште не ја видела светлината на денот. Војводата од Сасекс овој пат реши да се разоткрие себеси и своите емоции до крај и искрено да проговори за врските и ситуациите кои го угнетувале во кралското семејство.
Тој за прв пат се осврна на бројните медиумски извештаи и јавни шпекулации дека тој всушност не е син на кралот Чарлс, туку на мајор Џејмс Хјуит, со кој принцезата Дијана имала афера.
„Кој знае дали сум ти татко“, наводно му рекол Чарлс на Хари откако запознал ментално болен човек кој тврдел дека е вистинскиот принц од Велс.
Војводата од Сасекс во книгата открил дека неговиот татко сакал да раскажува анегдоти, а една од неговите омилени анегдоти била за посета на психијатриска установа.
Хари пишува дека Чарлс наводно го вперил прстот кон пациентот и рекол: „Види, ти не можеш да бидеш принц од Велс, јас сум принцот од Велс“, а пациентот му возвратил на истиот гест. Војводата го заврши своето излагање со изјава дека Чарлс сака да ги заврши своите презентации со филозофски заклучок, а во конкретниот случај размислувал дали некој може да биде сигурен дека не живее во фантазија.
„Кој знае дали јас сум твојот вистински татко? Можеби татко ти е навистина во Бродмур, драг мој сине“, наводно се пошегувал Чарлс тогаш.
Хари пишува дека шегата била крајно „невкусна“ со оглед на гласините дека неговиот вистински татко е Џејмс Хјуит.
Потсетуваме дека принцезата Дијана и Хјуит имаа петгодишна врска, од 1986 до 1991 година, кога тој беше млад коњанички офицер. Тоа го потврдила и самата Лејди Ди во 1995 година во култно интервју за Би-Би-Си.
Инаку, интересно е што и принцот Хари признал дека по смртта на Дијана, татко му го молел да не се ожени со Камила, плашејќи се дека таа ќе стане „злобна маќеа“.