Што е интелигенција?
Невронаучниците тврдат дека интелигенцијата не покажува колку учите,туку вашата способност да учите.Сепак,постојат неколку суптилни знаци кои укажуваат на висока интелигенција,а некои од нив би можеле да ве изненадат.
Невропсихологот Розмари Манфреди и психијатарот и психолог Џоел Франк објаснија за Reader’s Digest кои осум знаци укажуваат на висока интелигенција.
1. Отворен ум
„Медицински здравите поединци кои имаат повисока интелигенција генерално се поотворени за нови искуства и идеи“, објаснува психијатарот и психолог Џоел Франк, додавајќи дека таквите поединци се пољубопитни и сакаат да ги разберат механизмите зад тоа како функционираат работите.
Според една студија од 2016 година која следела повеќе од 5.000 луѓе 50 години, децата со висока интелигенција остануваат отворени за нови идеи додека растат.Интелигентните луѓе напредуваат во учењето,па веројатно ќе бараат одговори, што им помага постојано да се развиваат.
2. Различни перспективи
Според невропсихолозите, луѓето со висока интелигенција се способни да размислуваат за информации од различни перспективи.Психолозите ова го нарекуваат „реформирање“, односно обид да се види проблемот од поинаква гледна точка за да се придвижи кон решение.
3. Неуредни простори
Ова е потенцијално добра вест за сите оние кои живеат во неуредни простори, =но треба да се запомни дека има и луѓе со висок коефициент на интелигенција кои сакаат уредни простори.Сепак,повторените истражувања покажаа дека луѓето со висока интелигенција живеат почесто во неуредни простори.
4. Остануваат будни долго време
Ако сте ноќна утка, имаме добри вести и за вас. Оние кои сакаат да останат будни долго време може да му наштетат на своето физичко здравје или да имаат проблеми со утринските обврски,но можеби ова објаснува зошто имате тенденција да останете будни кога останатите луѓе спијат цврсто.
5. Анксиозност
Не,не мора да сте нервозна личност за да бидете интелигентни,но сепак, анксиозноста укажува на високо ниво на интелигенција. Всушност, една студија од 2015 година која ги испитуваше анксиозните нарушувања и депресијата покажа дека оние со висока вербална интелигенција имаат поголема веројатност да се грижат.
6. Добра меморија
Има краткорочна и долгорочна меморија.Истражувањата покажаа дека ако имате тенденција добро да ги паметите информациите,тоа може да биде знак за висока интелигенција.
7. Склоност кон осаменост
Студија од 2016 година покажа дека луѓето со висок коефициент на интелигенција не се толку задоволни кога почесто се дружат со пријателите.Забележете дека тоа не значи дека високоинтелигентните луѓе се целосно осаменици кои постојано остануваат дома.Тие најверојатно ќе се вклучат во ментално и физички стимулирачки активности.
8. Доверливост
Некои истражувања покажуваат дека луѓето со висока интелигенција се добри во проценката колку другите се доверливи.Тие обично се опкружуваат со луѓе на кои можат да им веруваат.