Амал Клуни е добредојдена гостинка на нашата модна рубрика, која ако ја погледнете е сосема оправдана. Оваа жена плени не само со својата харизма, дотераност и убавина, туку и со одличниот стил.
Амал балансира помеѓу класичното и женското, секогаш префинето, но никогаш досадно; таа смело си поигрува со кроеви и бои кои ја истакнуваат нејзината фигура или ја надополнуваат природната убавина на нејзиното лице.
Овој пат таа дојде да го поддржи својот сопруг Џорџ Клуни на премиерата на филмот „The Boys in the Boat“ во Лос Анџелес, а како и секогаш нејзиниот изглед го привлече целото внимание.
Долгиот фустан во жолта обвивка со суптилно деколте од познатиот бренд Версаче и додворуваше на тенката фигура на адвокатката, но она што беше најзабележително е колку добро се вклопува со нејзините светли прамени и маслинестиот тен.
Очигледно е колку овој тоалет потсетува на најдобрата ера на Џани Версаче, од раните деведесетти, кога акцентот беше исклучиво на нежните кроеви.
Велат дека жолтата најмногу им стои на бринетите, а русокосите треба да ја избегнуваат, но Амал ни понуди сосема нова перспектива. Секако, ова важи само доколку имате малку потемен тен, бидејќи жолтата боја на бледата кожа може да произведе „испран ефект“.