Актерот Арнолд Шварценегер решил да поправи дупка на улица која му правела проблеми нему и на неговите соседи.
– Откако цело маало се вознемири поради оваа огромна дупка на патот која со недели уништува автомобили и мотори, денеска излегов со мојот тим и ја поправив. Секогаш велам да не се жалиме, ајде да направиме нешто околу тоа – напиша поранешниот гувернер на Калифорнија на Твитер, каде што објави видео како го поправа патот.
Луѓето го пофалија актерот и поранешен бодибилдер што ги засука ракавите и сам си ја заврши работата. „Сакам што го гледам ова, поранешен гувернер ги поправа дупките“, „Навистина ми се допаѓа! Ова е хит“, „Преземам акција во мојата заедница!“, беа само дел од коментарите на фановите на Шварценегер.
Today, after the whole neighborhood has been upset about this giant pothole that’s been screwing up cars and bicycles for weeks, I went out with my team and fixed it. I always say, let’s not complain, let’s do something about it. Here you go. pic.twitter.com/aslhkUShvT
— Arnold (@Schwarzenegger) April 11, 2023