Ако ја погледнеме статистиката на најпребаруваните поими на Google Search оваа година, несомнено први на самиот врв на листата ќе бидат Маргот Роби и Килијан Марфи. Покрај тоа, и Барби и Опенхајмер.
Двајцата актери и нивните проекти ја одбележаа годината што се ближи кон крајот. Феноменот Барбенхајмер летово стана многу повеќе од филм и се претвори во културен феномен. Токму за тоа конечно ќе зборуваат австралиската актерка и ирскиот актер, еден на еден. И интернетот едвај чека, пишува Журнал.
Actors on Actors е серија лансирана од магазинот Variety, која е достапна на нивниот канал на YouTube. Новата серија разговори меѓу најистакнатите актери во Холивуд ќе започне на 6 декември, откако ќе излезе декемвриското издание на магазинот. Она што никој не го очекуваше, но на што сите се надеваа е дека Маргот и Килијан, кои на некој начин ја одбележаа годината во Холивуд, ќе застанат еден спроти друг за да разговараат за проектите кои им го промениле животот, пренесува Журнал.
Cillian Murphy and Margot Robbie have been paired up for Variety’s Actors On Actors pic.twitter.com/2tIMXGu798
— Film Updates (@FilmUpdates) November 30, 2023