Поранешната манекенка Хајди Клум, мајка на четири деца која на 1 јуни го прослави својот педесетти роденден, изгледа привлечно како во деновите кога шеташе по модните писти, а делумно може да му се заблагодари на својот младешки сопруг Том Каулиц, кој ја опсипува со љубов. Тие јавно демонстрираа колку се сакаат на плажата во Сардинија, бакнувајќи се и гушкајќи се како тинејџери.
Ова е трет брак за познатата манекенка: нејзиниот прв сопруг беше австралискиот фризер Рик Пипино, со вториот сопруг, познатиот музичар Сил имаше три деца, а од 2019 година е во брак со 33-годишниот гитарист на бендот Токио Хотел. Манекенката ја има и 19-годишната ќерка Хелена, која ја имала во врска со контроверзниот италијански бизнисмен Флави Бријаторе, но бидејќи тој не се грижел за неа, малата ја посвоил нејзиниот втор сопруг Сил.
Клум и Каулиц се запознале во 2018 година додека манекенката го водела ТВ шоуто „Germany’s Next Top Model“, а бидејќи и двајцата се Германци по потекло, немале недостиг од теми за разговор. Оттогаш тие се неразделни, а имагинативниот музичар, роден во Лајпциг, пред неколку години на својата сакана ѝ подари големо парче од Берлинскиот ѕид за нејзиниот роденден, кое во Лос Анџелес пристигна со авион и беше сместено во нејзината градина од кран. Иако многу фанови не им предвидуваа голема иднина поради разликата во годините, се чини дека и по пет години врска во нивната врска гори истиот љубовен жар.
„За мене годините се само бројка. Понекогаш се гледам во огледало и помислувам – „О, да, имам 50 години“. Но, внатре се чувствувам како да имам 25 години. Мојот сопруг има 33 години и знам дека имам повеќе енергија отколку него!“, изјавила манекенката во пресрет на својот педесетти роденден, откривајќи дека таа е главна во нивната врска.