Време е за промена
За да ги оживеете сите простории од вашиот дом и да создадете впечаток на целосно реновиран простор, дизајнерите на ентериер советуваат да започнете со посуптилни промени како воведување нови нијанси, а одличен почеток се хит боите: потопла бела, мека корална и боја на нане.
Топло бела
Доколку сте од оние кои инсистираат на традиционалната бела боја и не сакаат да експериментираат со боите на ѕидовите, дизајнерите на ентериер советуваат „среден пат“ – топла бела нијанса.
Станува збор за нијанса која е помеѓу класичните снежно-бели и крем бои, а нејзиниот шарм е да создаде измешано чувство на удобност и топлина со возбудата да внесе сосема нова нијанса во домот. Исто така, оваа нијанса е многу полесна за одржување бидејќи на неа помалку се забележуваат дамки, што особено ќе биде корисно за семејствата со деца.
Освен на ѕидовите, оваа нијанса многу убаво изгледа и на дрвениот мебел и постелнината бидејќи и дава поголема доза на елеганција од класичната светла бела боја, посоодветна во зимските денови, објаснуваат експертите и додаваат дека особено добро оди во комбинација со кафеава и сива.
Нежна корална
Ако барате боја која е малку поживописна и многу убаво се вклопува во пролетната средина, коралната апсолутно ќе ве воодушеви! Направена е со природна комбинација на портокалови и розови нијанси кои го подигнуваат расположението на прв поглед.
Минт
Оваа боја е позната како среќна боја во многу култури, а на многу јавни места се користи како дел од декорацијата бидејќи делува многу смирувачки и спокојно. Зошто да не ја користите и дома? Експертите тврдат дека минт бојата најефективно ќе донесе жива свежина и смирувачка топлина, а оваа нијанса можете да ја користите апсолутно насекаде – од ѕидови, преку бањи и кујни, до постелнина, завеси и украсни перници!
Станува збор за нијанса која е помеѓу популарната боја на жалфија и аква сина и најдобро се комбинира со неутрални тонови како бела, крем и беж.