Ако ги затвори очите, ги допира усните и ушите, големи се шансите партнерот да не ви ја кажува вистината.
Експертите за говор на телото велат дека постојат неколку многу суптилни знаци на кои треба да внимавате.
На пример, ако вашиот партнер го трие носот, го допира вратот или ги затвора очите, големи се шансите да не ви ја кажува вистината.
Доколку се прашувате кои се другите знаци кои покажуваат дека вашиот партнер навистина не ја кажува вистината, еве ги во продолжение.
- Триење на увото
Лажгото потсвесно ќе се обиде да го блокира звукот на лагата што ви ја кажува; или може да го трие увото за да ви го одвлече вниманието од фактот дека го прекинува контактот со очите и го трга погледот од вас додека зборувате. Вашиот партнер, исто така, може да го повлече или свитка увото, што исто така може да сигнализира дека доволно слушнал и дека не сака да го продолжи разговорот.
- Покривање на носот
Клучен знак на кој треба да внимавате е малото триење на основата на носот додека прстите се над усните, што значи дека се обидува да ги прикрие невистините што ги кажува.
- Допирање на усните
Допирањето на усните често може несвесно да се користи за да се потисне она што лажгото го кажува. Овој гест понекогаш е маскиран со лажна кашлица.
- Триење на вратот
Некои луѓе може да ја повлечат јаката или да се тријат зад вратот додека лажат. Тоа може да биде затоа што лажгото доживува трнење во вратот и лицето кога кажува невистини, како и чувство на топлина или пот.
- Затворање на очите
Задолжително обрнете внимание на тоа дали ги затворил очите или го тргнал погледот кога зборувал со вас. Ако лагите што ги кажуваат се големи, мажите посилно ќе ги тријат очите, додека жените генерално ќе погледнат нагоре.